கொம்பன் பக்கங்கள்

சுதந்திரம் !

2006-08-11T12:02:00.000-07:00

தலைவா!!!

2006-06-22T10:11:00.000-07:00

தாயும் சேயும் !

2006-06-21T09:23:00.000-07:00

மனிதத்தில் இறைமை

வெற்றி பெற்ற முகமூடிகள் !!

2006-06-20T11:23:00.000-07:00

கடைசி தம்!!

2006-06-17T07:44:00.000-07:00

விபத்துக்களை தடுத்த ஓட்டுனர் !!

2006-06-16T10:58:00.000-07:00

நான் முன்னேறுவேனா?

2006-06-16T10:32:00.000-07:00

பத்திரிக்கைகளின் நிலை!!!!

2006-06-15T12:26:00.000-07:00

எங்கள் துன்பம் அவர்களின் வரவு

இப்படியும் இருக்கிறார்கள்?

2006-06-15T10:55:00.000-07:00

postsecret ல் இருந்து எடுக்கபட்டது.

சிங்கப்பூராகுமா தமிழகம்?

2006-05-16T13:27:00.000-07:00

போன ஆட்சியில் இருந்தவர்கள் தமிழகத்திற்கு வரும் தொழில் வாய்ப்புக்களை சரியாக பயன்படுத்தாத காரணத்தினால் இங்கு வர வேண்டிய நிறுவனங்கள் மற்ற மாநிலங்கலுக்கு சென்று விட்டதாக நம் தகவல் தொலைத்தொடர்பு அமைச்சர் தயாநிதி மாறன் கூறியிருந்தார், மேலும் நமது நிதி அமைச்சர் கூட நிதி ஆதாரங்களை தமிழக அரசு சரிவர பயன்படுத்தவில்லை என கூறினார். தேர்தல் முடிவில் தி.மு.க அணியே இந்த முறை வெற்றி பெற்றதால் வலுவான அமைச்சக பதவியில் உள்ள இவ்விரு அமைச்சர்களும் தமிழகம் பக்கம் வெளிநாட்டு நிறுவனங்களை ஈர்க்கச்செய்வார்கள் என உறுதியாக நம்புகிறோம்.மேலும் சென்னைக்கு மட்டும் அக்கறை காட்டுவதினால் தமிழகம் வளமையடையாது என்பது என் வாதம், மாற்றாக மற்ற நகரங்களின் உள்கட்டமைப்பு வசதியை பெருக்குவதின் மூலம் நிறுவனங்களின் முதலீட்டை பெறலாம். கோயம்பத்தூர் போன்ற நகரங்களின் கட்டமைப்பு வசதிகளை பெருக்கி, தமிழகத்தை முதல் தர மாநிலமாக மாற்ற இவர்கள் முயற்சிகளை மேற்கொள்ளவேண்டும்.
தமிழகத்தினூடே இருக்கும் பாண்டிச்சேரி போன்ற மற்ற மாநிலங்களையும் கவனத்தில் கொள்ள வேண்டும். நாங்குநேரியில் அமைக்கப்படும் வன்பொருள் பூங்காவிற்கு மத்திய நிதியில் இருந்து கூடுதல் நிதி ஒதுக்கி தென்மாவட்டங்களையும் முன்னேற்ற பாதைக்கு அழைத்துச்செல்ல வேண்டும். ஓசூர் போன்ற மிதமான தட்ப வெட்ப சூழ்நிலைகளை கொண்ட நகரங்களின் மீது அதிக கவனம் செலுத்தி முதலீடுகளை பெற வேண்டும், பெங்களூரில் தற்போது உள்ள குறைந்த கட்டமைப்பு வசதிகளால் அங்குள்ள நிறுவனங்கள் விழி பிதுங்கி நிற்கின்றன. அந்நிறுவனங்களும் தமிழக எல்லை வரை தமது அலுவலகங்களை நிறுவியிருக்கின்றனர், ஆதலால் ஓசூர், கிருஷ்ணகிரி போன்ற நகரங்களை மென்பொருள் உற்பத்திற்கு உகந்த இடமாக மாற்றினால் அந்நிறுவனங்களின் மூலம் வேலை வாய்ப்பு பெருகும்.

மேலும் தமிழகம் "ஆசியாவில் முதலீடு செய்ய சிறந்தப்பகுதி" என ஒரு பத்திரிக்கை விருது வழங்கியுள்ளது(இந்த விருதிற்கு அ.தி.மு.க அரசின் செயல்பாடும் ஒரு காரணம்). கீழே அதன் url
இங்கே சொடுக்கவும் (நன்றி தமிழ் சசி)

இவ்வாறு பல சிறப்புகளை பெற்று விரைவில் தமிழகத்தை ஒரு முன் மாதிரி மாநிலமாக மாற்ற முயற்சி செய்வார்கள் என நம்புகிறோம்.

சிங்கப்பூர் என குறிப்பிட்டதற்கான காரணம் இன்னும் பத்து ஆண்டுகளில், நமது சகோதரர்கள் வேலைக்காக அங்கு செல்லாமல் இங்கேயே கை நிறைய சம்பாதிப்பார்கள் என்று ஒரு நம்பிக்கை.

கொம்பன்

இதுவா ஜனநாயகம்

2006-05-13T12:44:00.000-07:00

தேர்தல் முடிந்தது. நண்பர்களோடும், மற்றவரோடும் வாக்குவாதம் செய்து வாக்கும் அளித்துவிட்டோம்.முடிவு நல்ல முடிவுதான் கூட்டணி கட்சிகளின் பிடியில் ஆட்சி, ஆனால் அவர்களும் எந்த அளவிற்கு ஆட்சியை விமர்சிப்பார்கள் என்று தெரியவில்லை? எதிர் கட்சியாவது விமர்சனம் செய்யும் என்றால் முதல் அடிமை எதிர்கட்சி தலைவராம்,மற்ற அடிமைகள் அவர்க்கு துணையாம்! இந்த நிலையில் முன்னாள் முதல்வர் அவைக்கு வரமாட்டாராம், பயமாக உள்ளதாம். இது என்ன கேலிக்கூத்து, ஆளும் கட்சியினர் காட்டுமிராண்டிகளாம், அடியாட்களாம்? மக்கள் பார்த்துக்கொண்டு தான் இருக்கிறார்கள், தக்க பதிலடி உடனே கொடுப்பார்கள் பயபப்பட வேண்டாம்.பெருவாரியான ஓட்டு வித்தியாசத்தில் தேர்ந்த்தெடுத்த மக்களின் சார்பாக அவையில் வந்து அவரின் கருத்தை தெரிவிக்க வேண்டும். நடக்குமா?
இல்லை இன்னாள் முதல்வர் போன ஆட்சியில் செய்ததை போலவே தான் இவரும் செய்வாரா? இவர்களின் தனிப்பட்ட காழ்ப்புணர்ச்சியினால் இங்கு ஏமாறுவது மக்களே. சிந்திப்பார்களா இவர்கள்.

ஒரு கட்சி தலைவரே இவ்வாறு பயந்தால் மக்கள் என்ன செய்வார்கள்.
பணிக்கு வராத ஊழியரை பணி நீக்கம் (அ) பணி இடை நீக்கம் செய்வது போல் ஒரு தண்டனையை சபைக்கு வராதவர்க்கு கொடுக்க வேண்டும். அல்லது வருடத்திற்க்கு ஒரு மாதம் தன் தொகுதியிலேயே இருந்து மக்களுக்கு சேவை செய்ய வேண்டும். முடியுமா இவர்களால்?

்

மே தினம்

2006-05-01T10:31:00.000-07:00

்

இரவு நேர காவலாளி, பால்காரர், தினசரி நாளிதழ் போடுபவர், காய்கறி விற்பவர், ரிக்சாகாரர்,குழந்தைகளை அழைத்துச்செல்லும் ஆட்டோக்காரர், மோர் விற்கும் பாட்டி, வீட்டில் வேலை பார்க்கும் அம்மா, தெரு கூட்டும் துப்புறவு தொழிலாளி, தெருவில் சாக்கடையை அள்ளும் தொழிலாளி, வெகு வருடங்களாக சைக்கிளுக்கு காத்தடிக்கும் அண்ணன், என்னை அழகுற செய்யும் முடி திருத்துபவர், செய்தி சொல்லும் தொலைக்காட்சி ஊழியர்கள், நேரத்திற்கு வயலுக்கு செல்லும் ஊழியர்கள், பக்கத்து வீடு கட்டும் கொத்தனார் மற்றும் உடன் பணிபுரிவோர், உணவகத்தில் வேலை பார்க்கும் பையன், அக்கடையின் முதலாளி, கடலை மிட்டாய் பெட்டி கடைக்காரர், மாத்திரை தீர்ந்துடுச்சா என கேட்கும் மருந்துக்கடைக்காரர், என்னப்பா லேட்டா போறே என கேட்கும் பக்கத்து வீட்டு மிலிட்டரி தாத்தா, அம்மாவிற்கு எப்படி இருக்கு என கேட்கும் கம்பொளண்டர், நேரத்திற்கு வரும் பேருந்து ஓட்டுநர், கூட்ட நெரிசலிலும் சீட்டுக்கு காசு கேட்கும் நடத்துனர், கூட்ட நெரிசலைக்கட்டுபடுத்தும் காவலர், வணக்கம் சொல்லும் நேரக்காப்பாளர், பணிவாக குறைகளைக் கேட்டறியும் வங்கி ஊழியர், கேட்காமலேயே தண்ணி கொடுக்கும் அலுவலகப்பணியாளர், வேலையை பகிர்ந்துக்கொள்ளும் உடன் பணிபுரியும் ஊழியர், கையேந்தி பவனில் கரிசனமாக பரிமாறும் அண்ணாச்சி, குறைகளை தவிர்த்து இன்று இயல்பாய் வேலை பார்க்கும் அரசு ஊழியர், குடும்பதை விட்டு சமூக சேவை செய்யும் குழும உறுப்பினர்கள், நெடுங்காலமாக எனக்காக உழைத்து மகிழும் எனது பெற்றோர் ஆகிய எல்லோருக்கும் எனது தாழ்வான வணக்கங்கள்.

இன்று உழைப்பாளர் தினம், உழைக்கும் வர்க்கத்தினர்க்கு நாம் வணக்கம் செலுத்தும் நாள். ஏதொ ஒரு வகையில் நான் இந்த உழைக்கும் மக்களைப்பார்த்துதான் வாழ்க்கையை கற்கிறேன், ஆகையால் ஆசான்களான இவர்களை வணங்கி பெருமைபடுத்துவதில் மகிழ்ச்சி கொள்கிறேன்.

கொம்பன்

ஓட்டுப் பொட்டி

2006-04-19T11:53:00.000-07:00

ஓட்டு போடப்போகும் பொது சனங்களே! வணக்கம்,
நான் தானுங்கோ ஓட்டுப்பொட்டி பேசறேன். போனவாட்டி நீங்க எல்லோரும் வந்து என்ன உபயோகிச்சு மக்கள் பிர(தி)நிதிகளை தேர்ந்தெடுத்திங்க சந்தோசம். ஆனா அவங்களெல்லாம் சரியானவங்க தானான்னுட்டு இந்த தடவ யோசிச்சு ஓட்டு போடுங்க, இல்லாட்டி நம்ம தேர்தல் ஆணையர் கிட்ட சொல்லி செல்லாத ஓட்டுக்குன்னு ஒரு பொத்தான வைக்க சொல்லி அதுக்கு ஓட்டு போடுங்க! என்னாடா இந்தப்பெட்டி திடீர்ன்னு உளருதுன்னு பாக்கறீங்களா? அது வேற ஒன்னுமில்ல, என்னய தான் இப்ப ரேடியோ பொட்டி மாதிரி பேட்டரில ஓட வச்சிட்டாங்களே, (ஏதோ சிப்ப்பெல்லாம் வைச்சிருக்காங்களாமே!!) கொஞ்சம் அறிவு வளர்ந்திடுச்சு.

பின்ன என்னங்க இந்த பிரதிநிதிகள் எல்லாம் தனக்குன்னு ஒரு சொத்து சேர்ந்த்திட்டதும் அரசியலில் இருந்து விலகிக்கிறேன்னு அறிவிச்சிடுறாங்க,
உங்கள்ள சில பேரு நான் என்னத்தையா ஓட்டு போடறதுன்னு ஒதுங்கிடுறீங்க.
ஆனா எனக்கு மட்டும் தாங்க ஒய்வே இல்லைங்க,வருசம் 5 ஆனா போதும் (சில நேரத்துல ரெண்டு மூணு மாசத்த்லேயும்)என்னய தூக்கிகிட்டு வந்து பூத்துல வச்சி ஓட்டு வாங்க வச்சிடுறாங்க.
எனக்கு ஒன்னு மட்டும் புரியவேயில்லிங்க, இந்த ஒலகத்துல ஒருத்தன மாதிரி ஏழு பேர் இருப்பாங்களாமே ஆனா நான் பார்த்த வரைக்கும் கிட்டத்தட்ட 20,25 பேர் இருப்பாங்கன்னு நினைக்கிறேன் . ஏன்னா போன தேர்தல்ல கிட்டதட்ட ஒரு ஆளு மட்டும் 22 ஓட்டு போட்டாருன்னா பாத்துக்குங்களேன் அது மட்டும் எப்படின்னு தெரியலை.

அதனால தான் சொல்றேன், யாருக்கும் ஓட்டு போட வேண்டாம்னு நினைக்கும் நண்பர்களே ! கண்ணியம் காக்க வந்து செல்லாத ஓட்டு போட்டு (அனைவரும் செல்லாத ஓட்டாக போட வேண்டிக்கேட்டுக்கொள்கிறேன்) விரைவாக எனக்கு ஒரு ஒய்வு அளித்து மகிழ்ச்சியுடன் ஆண்டாண்டிற்கு ஜனாதிபதி (ஒரே ஒரு இளைய ஜனாதிபதி - மன்னராட்ச்சியல்ல) ஆட்சி பெற்று வளமோடு வாழ கேட்டுக்கொள்கிறேன்.
என்னப்பா இது ஓட்டு போடுங்கன்னு சொல்றதுக்கு மட்டும்் தமிழ் பிச்சிகினு வருது!!
அவ்வாறே செய்யவில்லையென்றால் பின்வரும் இலவச இணைப்புகளை பெற்று அறிவையும்,ஆற்றலையும் அழித்துக்கொள்ள சாபமிடுகிறேன்..
" இலவச கலர் டிவி, இலவச செல்போன், இலவச பைக், இலவச சினிமா , இலவச மதுபானங்கள், மேலும் பல பொழுதுபோக்கு இலவசங்கள்"

இப்படிக்கு

ஓட்டுப்பொட்டி